Eventos públicos

Maxia en calquera evento

En Magia en la Manga queremos levar o noso saber facer a todo tipo de eventos e a todos os públicos. Por ese motivo, temos un gran abanico de servizos para programar en festas locais, asociacións culturais, establecementos… segue lendo para descubrir toda a nosa oferta!

Festas populares

Ben sexa nunha festa local, nunha feria de época ou nunha data destacada, un mago é o complemento perfecto para dinamizar a festa e entreter e sorprender a toda a familia. Adaptámonos a cada localidade e a cada evento, e personalizamos a nosa maxia para facer de cada evento unha experiencia única.

Teatros e auditorios

Cada mago de Magia en la Manga ten no seu haber unha ampla experiencia sobre os escenarios, e como compañía dispoñemos dunha gran oferta de espectáculos de maxia que non deixarán indiferente a ninguén. Espectáculos unipersoais a cargo dun mago ou unha gala de maxia entre todos para o teatro ou auditorio da túa localidade ou asociación cultural, pregúntanos!

A igualdade non ten truco

Da man de Sara Rodríguez e Carlos Tomico, chega a nova posta en escena de A igualdade non ten truco, un espectáculo divertido e máxico para todos os públicos cunha mensaxe esencial para a sociedade actual. Unha maga e un mago forman este dúo para realizar misterios e imposibles e levarannos por diferentes ideas e conceptos do feminismo. Viaxes e transformacións inexplicables, un conto de fadas reinventado, ou unha volta atrás no tempo á época das magas pioneiras; son algúns exemplos do que poderedes ver neste espectáculo cheo de sorpresas ata o final onde nada é o que semella.

Triscos de maxia

Una experiencia única e orixinal de maxia rotativa, na que os espectadores disfrutarán de sesións de maxia de cerca en diferentes espazos preparados para a ocasión a cargo dun mago distinto. Ideal para dinamizar calquera barrio ou zona da vila, ou como festival de maxia en pequeno formato. Adaptámonos completamente ao carácter e ás necesidades en cada caso. Non deixes de preguntarnos por esta proposta!

Queres saber máis?

Se queres levar a nosa maxia a calquera evento, non dubides en consultarnos! Procuraremos a mellor maneira de adaptarnos ás túas necesidades.