Maxia educativa

Maxia educativa

A maxia consegue espertar a curiosidade e a fascinación dos máis pequenos, e por iso a maxia educativa combina misterio e diversión con educación en contidos, valores e competencias esenciais.

Para levar esta maxia a colexios, institutos e bibliotecas de toda Galicia, en Magia en la Manga contamos cunha ampla oferta de espectáculos e obradoiros de maxia educativa, con temáticas diferentes e con diferentes versións para axeitarse ás idades dos alumnos. Tamén podemos adaptar o formato ás necesidades de cada centro: actividades presenciais, online, sesións curtas por aulas… Consúltanos!

magia-educativa

Os espectáculos

Os espectáculos de Magia en la Manga procuran sempre o maior entretemento e sorpresa, pero sen esquecer que sexan instrutivos; adaptamos os espectáculos ás idades e coñecementos do público para cativar o seu interese e introducir contidos, valores e competencias de xeito ameno a través da maxia.

A igualdade non ten truco é un espectáculo de maxia que procura promover a igualdade de xénero a través da arte do ilusionismo e das vivencias das mulleres ilusionistas.

Saber máis…

Acompañamos ao atoleirado mago Charles Munro nunha viaxe arredor do mundo totalmente en inglés para descubrir a importancia de coñecer e respectar outras culturas.

Saber máis…

Aprender é moi importante, pero divertirse é necesario! Para eses días especiais do ano escolar nos que só se trata de pasalo ben, velaquí un espectáculo de maxia divertido, participativo e sobre todo moi máxico.

Saber máis…

As festas de Nadal sempre son unha ocasión especial, e poden ser aínda máis máxicas co espectáculo temático de Nadal de Magia en la Manga!

Saber máis…

Poucos días hai no ano tan misteriosos e máxicos como Samaín, e para pasalo de medo non hai nada mellor que con moita maxia!

Saber máis…

Aprender é moi importante, pero divertirse é necesario! Para eses días especiais do ano escolar nos que só se trata de pasalo ben, velaquí un espectáculo de maxia divertido, participativo e sobre todo moi máxico.

Saber máis…

As festas de Nadal sempre son unha ocasión especial, e poden ser aínda máis máxicas co espectáculo temático de Nadal de Magia en la Manga!

Saber máis…

Poucos días hai no ano tan misteriosos e máxicos como Samaín, e para pasalo de medo non hai nada mellor que con moita maxia!

Saber máis…

Os obradoiros

Moitas nenas e nenos senten moita curiosidade pola maxia e a moitas e moitos encantaríalles coñecer algúns dos segredos mellor gardados dos mellores ilusionistas. Que mellor maneira de aprender estes incribles trucos de maxia da man de auténticos magos profesionais!

The Magic Workshop

Learning by doing”, ou aprender facendo, é unha das maneiras máis efectivas e divertidas de aprender unha lingua estranxeira. Este obradoiro de maxia é impartido completamente en inglés e fomenta o uso do inglés nos participantes ao mesmo tempo que aprenden divertidos e enxeñosos xogos de maxia adaptados á súa idade e ao seu nivel.

Resolvendo imposibles

Quen ía dicir que as matemáticas podían ser máxicas e sorprendentes? Neste obradoiro aprenderemos enxeñosos trucos de maxia baseados en sinxelos pero interesantes principios matemáticos. Probabilidade, álxebra, combinatoria, xeometría… son algunhas das ferramentas que empregaremos para demostrar a maxia das matemáticas.

Maxia no estoxo

Non hai mellor maxia que a que se pode facer con obxectos comúns do día a día. Neste obradoiro aprenderemos xogos de maxia con lápices, ceras de cores, gomas elásticas, papeis… e veremos que e as mochilas e estoxos están cheos de pequenos milagres cos que sorprender a amigos e familiares.

De lixo a maxia

Cando un mago ve unha botella de plástico, un rolo de cartón o unha revista vella, non ve lixo; un mago ve materiais para realizar incribles trucos de maxia. Utilizaremos obxectos que se poden encontrar en calquera fogar para aprender sinxelos e abraiantes trucos de maxia. Unha maneira diferente, divertida e instrutiva de coidar o medio ambiente.

Preguntas frecuentes

Temos versións diferentes de cada espectáculo e obradoiro para grupos de idades diferentes, dende educación primaria ata bacharelato. Tamén podemos facer maxia para educación infantil, pregúntanos para saber en que consiste!

Os xogos de maxia que explicamos nos obradoiros son de execución sinxela e adaptada ás idades dos participantes, sen deixar de ser abraiantes e divertidos de aprender e realizar.

Podemos crear o escenario ou espazo para a actividade en prácticamente calquera espazo do colexio ou instituto: sala de usos múltiples, biblioteca, salón de actos… incluso en exterior se a meteoroloxía o permite. Consúltanos e buscaremos a forma de adaptarnos ao espazo dispoñible.

Cada pase da actividade ten unha duración de 50 minutos, que se corresponde cunha hora lectiva. Por mor da Covid-19, no caso dos espectáculos tamén contamos cun formato de sesións curtas por aulas de 15 minutos de duración, sen contacto cos alumnos.

Si, tanto pases do mesmo espectáculo ou obradoiro como de actividades diferentes no mesmo día.

Nos espectáculos, tantos alumnos como poidades xuntar! Iso si, sempre recomendamos que estean divididos por grupos de idades para axustar o mellor posible o contido do espectáculo. Consúltanos para que poidamos buscar a mellor fórmula para chegar a todo o alumnado do centro.

En caso dos obradoiros, podemos facelos para grupos reducidos nos que a atención estea máis individualizada, ou para grupos máis numerosos se o centro conta con medios técnicos para que se vexa ben (como pantalla e proxector). Consúltanos sen compromiso para que ningún alumno do colexio ou do instituto quede sen aprender maxia!

Non, tamén podemos facer estas actividades en bibliotecas, asociacións, campamentos… Pregúntanos!

Podemos desprazarnos a calquera punto de Pontevedra, A Coruña, Lugo e Ourense, pero tamén podemos facer as actividades en formato online para chegar aínda máis lonxe. Consúltanos sen compromiso!

Queres saber máis?

Se queres levar a nosa maxia educativa ao voso centro, non dubides en consultarnos! Procuraremos a mellor maneira de axeitarnos ao teu centro e ao teu alumnado.