A igualdade non ten truco

Cartel do espectáculo de maxia en colexios e institutos “A igualdade non ten truco”.

Por que hai poucas magas?

É certo que estamos afeitos a ver magos, pero tamén teñen existido e existen hoxe moitas mulleres magas. A igualdade non ten truco é unha charla espectáculo de maxia que procura promover a igualdade de xénero a través da arte do ilusionismo e das vivencias das mulleres ilusionistas. Da man de Sara Rodríguez e Carlos Tomico, un espectáculo divertido e máxico, pensado para transmitir ademais unha mensaxe esencial para a sociedade actual.

Maga e mago realizando un número de maxia durante o espectáculo de igualdade de xénero nun colexio en Pontevedra (Galicia).

As magas antigas e modernas tiveron e aínda teñen que enfrontarse a unha realidade chea de estereotipos e prexuízos tanto por parte do público como dos seus compañeiros ilusionistas. Estes problemas non existen só no mundo da maxia, polo que tamén veremos como estas desigualdades se dan na vida cotiá de todas as mulleres e en moitas outras profesións.

A igualdade non ten truco xa foi representado en numerosos centros de Educación Primaria e Secundaria de toda Galicia, cunha moi boa acollida tanto das alumnas e alumnos como do equipo docente.

Características

  • Duración de 50 minutos.
  • Dispoñible en galego ou en castelán.
  • Catro versións para diferentes grupos de idades: Educación Infantil, 1º-3º EP, 4º-6º EP, ESO e Bacharelato.
  • Posibilidade de facer varias funcións da mesma ou diferente versión no mesmo día.

Obxectivos

  • Promover a igualdade de xénero a través da perspectiva particular do ilusionismo.
  • Concienciar á mocidade da necesidade da igualdade de xénero en todos os ámbitos da sociedade.
  • Dar a coñecer conceptos chave do feminismo.
  • Recoñecer o papel das mulleres ilusionistas no mundo da maxia.
  • Proporcionar referentes femininos para incentivar o interese das alumnas polo mundo do ilusionismo.

Queres saber máis?

Se queres levar a nosa maxia educativa ao voso centro, non dubides en consultarnos! Procuraremos a mellor maneira de axeitarnos ao teu centro e ao teu alumnado.

Cartel subvención EMEGA.